Sunday, December 10, 2017

Tumhari pyaari, Shaayari

Main teri ho naa saki to kya, Aaj bhi teri shaayari ban jaati hoon..
Un shabdon ke uljhe hue dhaagon se, ab joojh na paati hoon..
In alfazon mein teri naraazgi bhi hai..
kabhi dekha to dua hai, aur kabhi meri barbaadi bhi hai..
Ae musaafir ab aur tu safar na kar..
yahi hai teri manzil, kisi aur ki dua na kar...
teri zindagi ka hissa bhi hoon aur ek gehra raaz bhi
dil ka ehsaas kabhi, gham-e-shaayari ka taaj bhi..
kadwahat ke aalam mein yeh mohabbat shehad ban jaati hai..
inn lehron ka shor bhi hai, fir bhi sannate ko mehsoos karwati hai..
yaad aata hai woh milon chalna chandni ki chaadar tale..
kisi ko khabar na thi, warna aaj humari misaal ban jati veh..

Monday, December 4, 2017

Subah ka intezaar tha

Phir se zindagi thodi si dagmagaayi hai..
Jaane kiska nashaa chadha tha mujhe..
Hosh mein aaye to aas-paas koi na tha..
Apni hi dhun mein chal rahe the kahin..
Aankh kholi thi jab dekha is jag ko..
Kohra hi chhaya tha har jagah.Woh oas ki boondein thi ya,Aakhon se chalke aanson..Gham-e-shyaam nikal gayi..fir hui ek nayi subah..

Monday, July 31, 2017

Dad...

It feels like it happened just yesterday..
As I remember every second so crystal clear
The time slowed down, the voices less heard,
I could hear my heartbeat but rest of the body all numb.
Some things could make sense but most couldn't,
Because I couldn't accept the fact that the battle was over and defeat was marked.
It's over.
But then I started seeing you everywhere..
More than I could see you before..
In the reflection off the back of the gleaming spoon..
In a gesture my sister makes..
In the arch of my lips when I'm stressed..
Through the brush strokes of paintings you have made..
In the tone of my mother, the strongest person you made..
You are still around in our every breath..
There were valleys and peaks I crossed this year,
Felt like you helped me climb the mountains with no fear..
A rebel, a fighter you taught us to be..
You are still in our hearts and mind.. and will always be..
Love,
Your Daughter

Tuesday, April 26, 2016

Inn baaton ka ant nahi koi..

Is thandi shyaam ki rut mein Dil mastana hai
Kaagaz ki kashti hai.. 
Nadiyaa Mein doob jaana... 
Dekhtein jab teri tasveer 
Tab se Dil hua deewana hai..
Kabhi hoti ek sheher ki shart
Aur kabhi kundliyon ka dera 
Fir bhi sudhre na yeh zamana hai..
Jo kari hai shart-e-mohabbat 
Aaj usko hi nibhana hai.. 
Sookh gaya hai tera gala
Awaaz bhi ho gayi zakhmi.. 
Fir bhi baatein nahi hain ruktien 
Chaahe ho koi bhi toofan, ab is kashti ko chalana hai
Rishte ke iss naazuk se pull ko paar karana hai..

Thursday, November 19, 2015

Jab ek dost door chala jata hai...

Yeh karwan ek naya mod laya hai..
ek dost aaj apne desh wapis gaya hai..
badh gaye hain tere ghar ke fasle mere dost..
par aaj bhi tu yahan hai..
kuch saal se shuru hui mulakatein..
woh ghatiya se joke aur woh lambi baatein
bhar gaya tu itni saari yaadein..
saale ab kaun karega teen baje hamari problems solve?
kaun dikhaayega woh "Gary Gulman" ke episodes..
mere phone ka bill bhi baaki hai.. bhar dena saale..
rona rulana fir haske hasana..
ab India phone karna padega..
International jo ho gaya hai humara yaar..
bhejenge tujhe dollar wale bill..
chuka dena warna....... tu wapis to mil!

Friday, December 19, 2014

Humko mohabbat nahi tumse...

Humko mohabbat nahi tumse...
mohabbat ko ho gayi mohabbat hai aaj..
jab dekha humne tumhari nazaron mein..
aa gayi ho jaise kayamat kash..

na dhoodhte hain ab koi manzil..
na jaate hain apna raasta..
na rahe saawal aur na koi jawaab..
bas reh gaya is mohabbat ka wasta..

mohabbat muqaddar hai koi khwaab nahi..
jismein sabhi sawaalon ka jawaab nahi..
thaam kar haath chalna tum mere..
tab dikhega andhera.. kaali adhuri raat nahi.. 

Sunday, July 13, 2014

Adhoore reh gaye hum...

Adhoore reh gaye woh khat...
Adhoore hain ab shab-e-gham..
Adhoori hain ab woh baatein.. 
Adhoore reh gaye hai hum.. 

Ghanton baithe the teri rah dekhte.. 
Tere saya tak na dikhta abhi.. 
bin bataye chale gaye aaj woh.. 
Chand sawalon ke jawab baaki the abhi..

Jab khaamoshi ne apna dera dala..
Tanhaiyon mein simati hoon ab main.. 
Teri chaahat ki talaash karti..
Bhatakti dar-dar  har ghadi..

Kaash woh hota aaj yahan...
Sahem jaati hoon is akelepan mein.. 
Nakhoonon ko kutarte hue.. 
Iss darr mein... ki woh ab naa lautega.. 

Adhoore hain ab shab-e-gham..
Adhoore to tum bhi.. jitne adhoore hain hum...